, :+: آخ ـر مراسيـ / لي :+: ,

كل ما دوّرت
لـ وصالك [ طريقه ] ,
ما لقيت من الظروف / الاستطاعه !

.الحقيقه ,
والحقيقه ,
والحقيقه ,
والله ان الكنز : ماهو بـ .. القناعه ,

القناعه :-
عذر من وقته يعيقه ..
المثل هذا آسمه الاصلي : ( إشاعه ) ,

البطا :-
حسره
وتنيهده
وضيقه
الله انه .. ( لا يبارك في القطاعه ) . ,

:
:

كم صبرت الصبر ..
لو اني ما اطيقه ..
في رجاء صوت ٍ .. يرتبني سماعه ,

صوتك العذب ..
ومشاعرك الرقيقه ,
و ( طلتك ) لا يابعد كل الجماعه ,

:
:

المواثيق :
الجديده والعتيقه ..
بيننا , مثل [ الموّدع / والوداعه ]

مركب ٍ :
( جوارحي طاقم فريقه )
شوفني .. فليت في بحرك / شراعه !

:
:

شاعرك ..
طبيعته على السليقه
يعرف ان الحب :- طعمه في اندفاعه

وان مالـ الوصل
صك ولا وثيقه ,
وان ماعنده على الفرقا .. مناعه ,

التعب في رحلة ايامه / رفيقه .,
والامل بالله , اخوه من الرضاعه ,

:

ضاع معك ,
ولا وصلك يبل ريقه ..
ولا اتمنى آحد ٍ يرده / عن ضياعه

:
:

انت ورد ٍ
خارج اسوار الحديقه
ما آحد ٍ تجرا على قطفك / ذراعه

جيت
وسلوم القبايل
في حريقه
شوفتك مكسب , وهي كل الطماعه !

:

آتمنى شوفتك لو هي .. ( دقيقه ) ,
خل عاد إذا آحصلت لي [ ربع ساعه ] !

,

[ رسالة جوال ] :
من الزميل الشاعر / خالد الروقي .. ,
أستأذنته ان تكون هنا , ولـ عدم اتقاني لـ الشعر الحلمنتيشي : ( خلط الفصيح بـ الشعبي ) !
آحببت ان تكون هكذا بدون رد , ( أجمل ) :

غريب .. وتصريف الزمان , غريب = أليس له .. يالغانمين .. طبيب ؟
ادق على مشعان .. في كل ِ مرة ٍ = ومشعان , وأسفاااااه .. ليس يجيب
أهذا أنشغالا ؟ وأشتغالاً ؟ وزحمة ً ؟ = أم الحب , نال من الرفيق نصيب ؟
فـ .. بالله يا اهل الجمس قوموا فـ .. بلغوا = وقولوا .. رأيئنا الدلبحي َ .. كئيب
وجيبوا لنا ( بناً .. وهيلاً .. وتمرة ً) , = وهاتوا لنا .. طاسة لبن .. وحليب !

لله درّك وكفى ,

,

قناعه :-

أمور البنادم في أي حال ٍ من الاحوال = على قد ما يعطي / على قد ما يأخذ ,

:


برق السفر لاح ,
وادوّى فالسماء رعده ,
لو كان مالي على طاري السفر / نيّه

ما اصبر
عن ( الساحل الشرقي ) !
ولا بعده :
هيّن , ومن قال هيّن .. قلت واهنيّه

ياركني ان غبت عنك وزانت القعده
في نجد ديرة هلي وربوعي الحيّه !

ما آشتقت لك :
كثر من هو لا وعد وعده
كنّه يحط القمر والشمس في يديّه ,

انسان :
لكن لا قبله .. ولا بعده
[ اللي مخليك صفحته الرئيسيه ] ,


:

,

تسجيل حضور ,

,

توي رجعت , وراجع اعيّشك جو
ماهوب جوّ ( مناسبات وعزايم ) ,

من مبطي انتي واحشتني ماهو تو
بس السفر .. هذي عوايده دايم !

آدور العذر .. لو ماني بـ معذور ,
يوم اني اشوف صندوق الرسايل !

اكتب لي سطور وآمسح مثلها سطور
من حبر كيبورد , ماهو حبر سايل ,

لكن بـ عذر البريد ان صار مغرور ,
كنّه يغيض بـ رسايله / الموبايل ,

عذراً .. وانا للامانه شبه مجبور ,
في ما مضى لي من ايام ٍ .. قلايل ,

وتأخري .. كان جاكم منّه قصور ,
الله موفقكمـ .. ( دورب الجمايل ) ,

,

:

اشتقت لك واشتقت واشتقت واشتقت = وركنك :- معي مشتاق ماني لحالي
في غيبتك .. بس اتخاصم مع الوقت = والركن من بعدك .. من الناس خالي !

لله در صاحب البيتين ,

,

من المسن :

ماهوب ركنك فاقدك : كلنا معه ,
انا وجمهورك ونبع القصايد ,

عادل بن حجنه ,

:

ياجرح الايام وين القى لك مداوي ! =تبرا جميع الجروح , الا انت ما تبرا

,

يقول ناصر تراحيب :-

الناس تقضي صيفها وسط باريس = وانته وانا نقضيه وسط الحويه
وحنا .. ماحنا نحمد الله مفاليس = تقدر تقول انّا .. شريحه غنيه
ولا قصدنا درس درسناه , تدريس = " ان السياحه فالوطن منطقيه "
الصدق اذا تبغاه من دون تدليس =ما فيه حجز لـ .. رحلة ٍ خارجيه
الناس وقت الصيف مثل المحابيس = لا فكت ابواب الحصون القويه
والا لقاء بلقيس فـ .. اوتيل رمسيس = فالشانزليزيه .. وعاصمتها البهيه
اغلى على قلب ٍ .. ملته الهواجيس = من امسيات ( ..... .. ...... ) ,
اللي لها الطايف يولع فوانيس = ويقول :- أحلى جلسة شاعريه !

وراء ياناصر ما اتعوّذ من ابليس = الصيف نار .. وجمرة النار حيّه
مدري حداك الشوق ياحادي العيس = والا .. تبي تجدد همومي عليّه
ياكثر من هم / يكسبون النواميس = الحجز : عمره ما يشكّل قضيه
نلقى من العتبان والا السناعيس = والا اطرف سنافي بـ .. راسه حميه
لكّن , يوم ادير الافكار .. واقيس = بعض الروابع .. بين هذي وذيه
اقول : خلك في براد النسانيس = بين الحجاز .. وبين نجد العذيه
آخير من شوف الوجيه المعابيس = اللي بلا شيمه .. ولا مقدريه
هذي وصاتي , يابعيد المراميس = ان كان لك قلب ٍ يحفظ الوصيه !

,

ما يقهرك .. ويزّود الطين بلّه ,
الا : إذا حدك زمانك على اللاش ,

والله
ولا بيت قلته في السفر !!
والصحيح :-
في بعض الاحيان حتى الشعر ما ينبغى ,

لو أن لي منهجي ,
ولسان شعري فصيح ,
ولا اقلد ( اللي سبقني ) .. كني الببغاء ,

لكن :-
حبيت ادوّر راحتي ..
واستريح ,
ولا [ استراحه مقاتل ] بعد طحن الوغاء !

الشعر :-
حسنه [ حسن ] ..
وايضا ً :
قبيحه [ قبيح ] ..
لكن : قبيحه : كثر ( تالي الزمان ) وطغا ,

,
من الـ ( MSN ) ,
الحاله : ( سأعود حالاً ) ..
الوقت : مدري كم بس بعد فجر الجمعه أمس ,
من البدوي : [ صاحب الصوره المشرقه ] , الشاعر :- محمد بن رشيد ,

مشعان يابو محارب انت تسمعني = والا معك شخص ثاني مشغلك عني
دعني اقول آلك شي بخاطري دعني = وانا بشرواك دايم ما أختلف ظني
انا الطواري تبعثرني وتجمعني = وذكرى المفارق وطاري البعد جنني
والارض من وسعها ماعاد تاسعني = ضايق ووقتي ودنيايه تغربني
لو ان الايام واحلامي تطاوعني = ما شفتني يوم اجر الصوت وأغني
هذاه موجز .. ومقصودي وما يعني = ان الجفا والتغلي ماحصل مني

لـ الامانه يابو مالك :-
ما اتوقع اني لو رديت جبت مثلها .. ولاحبيت انها تكون في الظل , آحببت ان تكون هنا ,
والاكيد : صح لسانك مدد وسلمت ودمت
وعلومنا واجد ويازينها من الراس لـ الراس , في مكان ٍ ٍ مثل مكان التقاط الصوره ,

,

يامرحبا ,
يامرحبا ,
( الله يحييك ) ,
ترحيبة ٍ .. ما بين روحي وبيني ,

انا وشعري ,
. توّ كنّا .. ,
بـ .. طاريك ,
وجيتي على طاريك يانور عيني ,

,

:
:

لا مرّنا يوم .. ما يرجع بنا للورا = واللي من آلله .. ما آحدن قادر ٍ يمنعه
( مصير الانسان ) : يمشي له وهو ما درا = يرسم له اشياء ممكن ماتحقق معه !

,

نقطة نظام :-


خلقني الله صريح .. وما اعرف اجامل !
خصوصاً :- ان شفت شي ٍ ما يناسبني

ما آحد ٍ بـ .. كامل / ووجه الله هو الكامل
( في رايّ ) :- الناس مدري ويش تطلبني

لاشك .. ( احب اتعامل مثل ما اعامل ) ,
وعلى ما اسوّي ما احب آحد ٍ يحاسبني !

,

همسه :-

الشعر : طعمه معك ماهو مع الناس
الناس : كل ٍ طلع هالحين شاعر !

شعار : لكن بدون شعور وآحساس
والا أنت كلك آحاسيس ومشاعر ,

,

[ تغيير جو / وكسر روتين ]

ما بين عبدالمجيد .. ودقة ألحانه = ومابين الاقدار .. وموادع مواليفك
ما للعنا والتعب في خاطرك :- خانه = فرفش .. ولا عاد تطري لك تحاسيفك
اطرب .. ترى الخلق مبسوطه وطربانه = وروّق , وعش جوّك الكايف على كيفك

,

غير خفة دمك وزينك وشي ٍ ثالث ,
ما ذبحني فيك غير : ( الدبكه الشاميّه ) ,

:

,

[ مداعبه خطافيه ] :-
بيتين من شقيق الروح / عيسى الشاطري , مدري وش يقصد فيها !

الله لا يواجرك .. يا مشعان = نكبتنا لو كان ما اخطينا
تقول زاد العب فــ .. الميدان = ونقول .. لامنا ولا فينا

:

وآقول :-

وراك .. ما تستغفر الرحمن = ياعنك : فينا ما يكفينا
ماقلت لي قول ٍ بلا برهان = لكن لا تكشف معانينا !

,

مشكلتي :
اني معك ماني بـ مستوعب !
أن :- ( المحبه / قدر ) .. وأن :- ( القدر / صدفه ) ,