© / - (( ترويحة )) الــروح - \ ©

السلام عليكم ورحمة الله وبركاته . . منــبر لصوت القافيــه هنــا .. اتمنى ان ينال استحسانكم .. تحيتي لكم

البارحه اقفى بي الهوجاس مدري لين وين =في مجلسي عقب الكلام اللي حسبته ما يقال اللين خلاني اقول الشمس تشرق فإي حين=علامها ؟ ابطت علّي والليل كملها وطال!! وانا بفكري مبتعد كني عن العالم سجين =ولا انتبهت الا وانا مقفي على متن الخيال ابرفقة اللي غايبه عن ناظري اربع سنين =يا جعل حالتها سليمه من صواديف الليال اللي طواء حالي بعدها كثر شوقي والحنين =وياليتها عني درت يوم اني الحقها السؤال واجمع لها ورود الغلا واصخر لها القاف الثمين =واذبح لها كيد العذول اللي يظام من الوصال وانقى لها بغيابها من قدرها العذر السمين =عشاني انا واهي ما نقبل سواء مد الجزال كنا سواء .. كنا على متن الطموح مسافرين =نحظى برحله آمنه من التجافي والجدال وكنا نداري ما نكّنه عن عيون الحاسدين =حب يسوق التظحيه سوق المواقف لرجال واذا حصل مابيننا امرٍ يبعّد ساعتين=الله يازين العتب بيت الاحبه يا طلال مع اختلاف اضروفنا والله على الدنيا يعين =ومع اتفاق قلوبنا فينا على الظيم احتمال ومن شان ذي لذيك مع جور الزمن متعايشين=وآمالنا اكبر على الفرقاء من ايتاح المجال لكن مدري وش حصل ليت الخوافي لي تبين =يوم رحلت واصبح قصيدي لدفاتر راس مال مغير اكلم طيفها واكتب على الطرق الحزين =واسترجع الذكرى واعيش غيابها باقوى نظال

جيتني مشتاق والاالحظ جابك ابرك الحزات جيتك الثمينه حي وقتٍ جيت فيه وياهلابك ابك عندي نورت كل المدينه مرحبابك كثر ماطول غيابك الغياب اللي دركنا في سنينه ظامي ودركان واتعبني سرابك والبحرلو ماه مااشتال السفينه لي ثمان سنين لامريت بابك قمت اقدم عنك الاعذار السمينه اتنقاها وحافظ لك عتابك بعد قيل الدار شدوا نازلينه كيف تبعدوانت ياحظرت جنابك آخذٍ روحي على وصلك رهينه وكيف قيل ابن هليل وش يبابك وانت تدري مالغيرك لد عينه عينه اللي سهرها ماهو بحسابك والسهر قد قلت يالله لاتهينه عايشٍ به والقصايد في صوابك ورمشك اللي لافقدته قلت وينه لاكتبت الحرف لجلك وابتهابك كنه اللي ملحقٍ خصمه غبينه كيف راع الحرف ياحظرت جنابك وانت تدري مالغيرك لد عينه

: عن حدود المعاني لايزيد القاف ياسلطان = و لـ ..انصا ف الطروق اطلع بصوتك ياملحنها انا البارح مع اللي من دياره يمدح القيفان = يعد الصدق وعلومه على الترميز ديد نها لفاني في مكاني مالفيته يوم حظي زان = ونصيته تراحيبٍ مع النوماس يقرنها هذا من واجبي دايم ودايم واجب الضيفان = يجي من حسن ما يعطى البنادم فارق احسنها يقول ابسألك يالشاعر اللي تنزل الميدان = من اللي درب شعرك فالليالي مافرق عنها وقلت ايهمك وقال الله الله والصحيح ان كان = تبي مغزى الكلام اكشف لنا منهي وبينها وانا وشلون ابين والمثل قال اللسان حصان = وابا مغزى العلوم اللي تشوف العين صافنها بعدها سلمت كل المشاعر ماتبا الكتمان = على هجس القصيد اللي مع التثمين فاتنها :

: وش تنتظر يازايد البعـد ببعـاد=ما تقطع "اخبارك" قبل لا"تجينـي" ننشد وليتك ياريش العين نشـاد=وانت الوحيد اللي تتوق اله عيني ياما تمنيت الوصل منـك ينقـاد=يوم انني باغيـك وانتـه تبينـي ويا ما تبينا على روس الاشهـاد=كله عشان القرب شـي يعنينـي في داخلي حبٍ شرب كاس الامجاد=باقٍ على طول الدهـر محتونـي ::

:: ما سنجري ماهو لغير الرياجيـل=بالظبط كنـه مجلسـي يالمهبـلا ماينوجد به غير عيال وحلاحيل=ولاينوجدبه ظـاربٍ كـل عبـلا ولولا العلوم الغانمه والمواصيـل=ما كان من شرواك ياهيه يبـلا ان كان مانت برجل خلك رجيجيل=على الاقل لو تدبل الكبـد دبـلا :

* ياليت حظي على يمناي ماهوب انا اللي على يمناه تعبت اناظر على يسراي من عقب تكى على يسراه ** l **

__________ عهود قلبي مجزيه ماني بحاجه لـ / الحلوف=من شاني احلف لك يمين اذا تكلمت وكتبت انا على وصالك حريص ولا ابي لحظه تطوف =مير الليالي ما تقدر يالغلا وانا تعبت ماهو تغلي يوم غبت ايام والدنيا ظروف=لاوالله الا يالغلا ماهو تغلي يوم غبت يامهجة احساسي وانا معّك ورجال معروف =شوفيني بإحساسٍ يحب ان جيت والا ان ذهبت " وان كان ماجاد الزمان ولاحصل للعين شوف =يكفيني اكون الوحيد اللي لخفاقك قربت " __________

: يا"عين" لو النظر في حـدود مطلوبـك=ماكان كلف علـي الشـرح فاعجابـك عذوربك مع البشر يازيـن عذروبـك=اليا تـوارت مخاييلـه عـن رحابـك قوس القزح يشبه الاعجاب في اسلوبك=ياللي مفاهيم حرفك تشـرح اسهابـك اذهلتني كيف اعيش احساس مكتوبـك=حتى تركت القصيد يعيش في غيابـك الوجد ناره لظـى والطيـف مندوبـك=وانا من اليوم ابا ابدى شرهة عتابـك غصباً عليه وانا كلي تـرى صوبـك=من شفت رمز الحروف اللي تباهابـك بغيب حسبي على مـن بعـد دروبـك=ياللي ليم الولـه قـد هجـت اركابـك وابا اعترف لك لوانك ذنب مااتوبـك=وشلون وانت "الاجر" في جملة اعرابـك والله يحفظك دعاء من قلب محسوبـك=وايضاً يصبرني دام اغيابـي اغيابـك :

: ــــــ ــــــــــــ ياغايبه مليت من كثـر الاعـذار =اللي على صدري تحول بضيقـه من غيبتك لو أني أمـد الانظـار =وشّلون أبدل بالخيـال الحقيقـه ياغايبه متى اللقاء يشوف الانوار =يوم ان مابه شيء عنها يعيقـه ياغايبه حّس اللقاء كيف ماغـار =يوم النياء مهوب حتى صديقـه العمر يمضي والقدر كف جبـار =منتـي بلاقيـةٍ رحاتـه رقيقـه ولواًن قلبي ينبت ورود وأزهـار =تلقين نفسك عايشه في حديقـه

: وشلون بكشف لك خفيات الاسرار= واعطيك حقٍ يعتبر مـن حقوقـي واحط لك يامصـور النـار تذكـار= من شان اوفق بين ذوقك وذوقـي شفت الحطب وشلون تسعر به النار=هذي ظلوعي مع ملاهيـب شوقـي صوره تقدر من بعيديـن الانظـار= ويبقى مسار الدم داخـل عروقـي :

: يالرجم جيتك من اللي بارين حالي =اللي منه دايم الافكار مشغوله مبدن على العنا لعيون عذالي = واحيان يعرف قصى الرجال من زوله كلٍ يمد العلوم اقصار واطوالي = واعامل الناس كلٍ حسب معقوله والا اعترافي لهم ماجاء على بالي = وارزاقنا من ولي العرش مكفوله لاصرت عارف خراجي قبل مدخالي = الصبرمع مصدر الازعاج وش هوله ومعك يتهيا هدوٍ ما تهيالي = من عودت بسمة الايام مقتوله وترويحة الروح قسم الداله السالي = وجناب نسياني معي ايديه مغلوله ودول الظروف ان رسى يخته على جالي = اللقى الشفايف من الاعذار مبلوله ومع درب الاول طبيعي يلحق التالي = بس الصداره حليفة كاسب الجوله ويالرجم لوكان ماكنك توحالي = ولا اسمع بك الا الهوى لازاد زعجوله ماعدت الك القدم يالشامخ العالي = واهل المراقيب من مرقاك مذهوله ولاقمت اسولف عن اللي فرق امالي = يوم الهواجيس منقوظه ومفتوله اللي مقلد غيابي غاية وصالي = وطمايع اللي نشدني عنه مخذوله واللي حداني وغبت اشهور وليالي = مع نار صمتٍ "دمر"له بالحشاء دوله وخلا همومي ورى حلي وترحالي = ركايزٍ ثابته ماهيب منقوله رديتها عن صريح البوح للغالي = وجت بالملامح لعين العرف مقيوله وانا ليا قامت النشدات تبرالي = اقلط على ديرةٍ بالعذر مأهوله واقابل العذر قدامي على فالي = لو الصحيح العذر ما قرٌبه حوله واقول وشلون ابجحد ما برى حالي = و"الحب" طفلٍ ضحك و"القلب" هندوله ومفهوم جملة كلامي عند عذالي = اوجيهنا من الحيا ماهيب مغسوله :

: والله مالومك صدق يا راعي بقيق = اليا بدا فالوضع صوله وجوله وجا فالكلام اللي وطا السمع تبريق = وابليس لاقي فالاوادم ذلوله والعرف ماله مع شراويك توفيق = والناس ماتقنع بقصر المقوله وانا اشيل من الدهر فوق مااطيق = والرجل دايم كايداتٍ حموله بيني وبينك علم مافيه تلفيق = والناس ماتدري وش اللي بقوله ليا انحا بي الهوجاس يم الطواريق = حطيت للمعنى مقام وبطوله :

\ / \ واللـه اني ما بغيت ولاطرالي = اذكراللي صار والا عنه انوه لين خلني لياليّه لحالي = واقفٍ لطيب وجهه لا يشوه والسنين تمر بحساب الليالي = وتو وقتي يرسم التشويه توه من يقول ومن يطول ومن يبالي = لاحضر وقت اللزوم يشب ضوه صاحبٍ فالنوب ماهوب اتكالي = سايقه طبعه ورى زود الحموه ماانفرق مجال شفه عن مجالي = ما سمح لسود تدني من علوه ما سمح للي قضاه الوقت تالي = تنشقر عصاه وتموت المروه واكتمال المعرفه شي استحالي = واستحال العرف ما وصّف دنوه يا مسمعني ولا ريحت بالي = وانت مالك عن مشاريهي نحوه الرفاقه ما خسُرت مع راس مالي = والصداقه ما جفت معنى الاخوه الرفيق اليا لقيته ما صفالي = ماانكره لوماله مع الطريا طروه والصديق اليا لقيته ما وفالي = قلت لامن ضاق صدري منه هوه والتسامي طبع ما يعنّ التعالي = والتعالي كرهنا له فيـه قوه والحقيقه مرها للكبد حالي = ودوك منها وماتبا تسويه سوه لاتصدق كل من قال الك غالي = كم واحد قد سمعها من عدوه :

: اقلط على دلة اوجاعي وبهرها = وقهو المشاريه ثم سلم على احساسك لو تدري ان المشاعر عند شاعرها = اشرق من اطلالتك وازكى من انفاسك ماكان ساويت ماضيها بحاضرها = ولاكان حضرتك منها كابرٍ راسك :

: ياهيه ياللي كل ماجيت ساري = قال الحشاء ياربي انك تحييّه ياللي قصيدي في جنابك يماري = متوجهٍ لوهو على غير توجيه ابا اسئلك وش صاب وليّمْ وهاري = جاوب وهات اللي تشوفه يساويه والحب بلوى والزمان الحضاري = وقّف على قلبي وقطع عراويه وانته ولاكنك عن الحال داري = والا قصيدي منت عارف معانيه انا مع الايام طال انتظاري = والصبر ماقصر على الحال ياهيه وكل القصايد يقبلن اعتذاري = لاجابت المعنى ولاني براضيه ماني على الهزعات بايع وشاري = لوباعني فالوقت من كنت شاريه ما صفقت يمناي لولا يساري= وقافٍ يجيب اللوم ماني براعيه ويكفيني اني محتفظ باعتباري = ولولا اعتباري ما يجن المشاريه :

: على وجه الشعور اللي مولع جوف صدري نار = تمْري يالقوافي دك جوف القلب هوجاسه تمّري واكشفي ستر الحقايق لو بعضها اسرار = ولو ماكل ستر اليا انكشف يرجع على ساسه لي ليالي وانا احاول احصل لـ / السكوت اعذار = على شان المشاعر عند بعض الناس حساسه اقدر مير تقديري رجع وزره بعشر اوزار= وانا مالي ومال المطلب اللي مااعرف قياسه هواء الغربي ليا ذعذع علّيه وابتداء المشوار = لقيت اجروح قلبي داميه مع درب نسناسه يمر القلب شيٍ يوجعه من سطوة الاقدار = على شان الّيالي مرسمه والقلب كراسه واذاصار العمر مقفي طبيعي والزمن دوار = طبيعي لو قبلت اشرب مرار الوقت من كاسه :

: قدام لا تسأل وش اللي بقالي = وتعلن على مع المقادير ثورتك تدري وش اللي ما قوته الليالي = اللي خذتك وعن نظر عيني اورتك صورتك عيت تنمحي من خيالي = حتى خيالي انمحى عند صورتك :

: حي الله اللي ليامن شفته استانس = وان غاب غابت معه ضحكات الايامي يوم المحبه بدت في عمرها عانس = بيني وبينه ربت واشفوفنا احيامي شيٍ من الله لو الوضع متجانس = تقصر يدين الوصل عن شخصه السامي :

: يا مقام احساسي اللي يسعد المظلوم ظلمه = ينتشي مع ظيق صدري ويتوارى في كلامي ينوجد من شان "كلمه" بس ماتكفيه "كلمه" = يرخص العمر الثمين ولايقلل من مقامي فالعيون الخرس "يكمن" مبتغاه وروح علمه = والحظوظ "الّد" ماله من "عدا"والظيم حامي ان كتبته ماكتبته غير من تقدير سلمه = وان تركته ما تركته غير من زود احترامي في زمانٍ كل مارجّع مع الاقدار فلمه = ينّحصر دور البطوله عند ساقي وهو ظامي لاتروح بك الظنون وكل عاشق ويش حلمه = ياسقا الله مع ظماه امجاهد السبع المظامي :

: قم يارعد واترك ابياتي ومعناها = مهما تحاول ترى منته مفسرها عطني من الدله دام ابوك سواها = فنجال يطلع على الظرمه ويزجرها قدامك اولوف ناسٍ ربي اشقاها = تبا تعرف المغازي من مصادرها مدت وردت وظاعت عند مبداها = وانا عقول العرب ماني بحاقرها وان صار لي غايةٍ والناس تبغاها!! = ياكيف؟ اجي قدمهم يالذيب واذكرها صحيح لن كنت اداري حب وارفاها = اللي نحت حبها في قلب شاعرها ماشفتني كيف! يوم احروفها اقراها = بالحاله اللي عجز شعري يصورها عسى طلوع الثمينه مني افداها = ماهوب عاد القصايد وانت خابرها في و هجير انحصر معنى مسماها = واسرافها فيٌ ما يعني تكبرها لا والله الاحياء والقلب حياها = ولولا الحياء من الحياء وشلون اقدرها والناس دايم تجيها ناس شرواها = وهذي على عرف كل انسان اسطرها لوكان قصدي وانا ماني بوياها =اني اخلد شعوري في دفاترها مع انها تعرف انا ان جيت في حماها =ان المجي للحماء من شان خاطرها وبعض الخواطر تحد النفس لاقصاها = وبعض الخواطر ترى محدٍ يعبرها :

: اللي ملك له في خفوقي مساحه =وقربه يرد الروح مع طلعت الروح يسعد مساه ويسعد الله صباحه=وعسى السعد مع ما كتب له على اللوح بقول له كلمه بعرف وفصاحه = مسموح والا ماني بمنه مسموح اما خفظ وقتي لقربه جناحه =والا عسى صوت المشاريه مبحوح لا صار مال القرب فرصه متاحه =وش له ؟ نجي مع درب الاشواق ونروح! و"البعد" يارتم الهواجيس راحه = مع مصطلح اقرب على غير مصلوح :